Af hverju ??????

Var konan látin laus ef það getur spillt fyrir rannsókn málsin

NÚ ER ÉG ALVEG

HÆTT

AÐ SKILJA

Innlent | mbl.is | 25.1.2007 | 16:33

Gæsluvarðhaldsúrskurður vegna íkveikju staðfestur

Hæstiréttur hefur staðfest úrskurð Héraðsdóms Suðurlands um að kona, sem grunuð er um að hafa kveikt í parhúsi í Þorlákshöfn, sæti gæsluvarðhaldi í viku eða til 29. janúar. Lögreglan lét konuna hins vegar lausa nú síðdegis þar sem ekki var talin ástæða til að hún sætti gæsluvarðhaldi lengur. Karlmaður var einnig úrskurðaður í tveggja vikna gæsluvarhald vegna málsins.

Að sögn lögreglu er bráðabirgðaniðurstaða tæknirannsóknar á vettvangi á þann veg. að kveikt hafi verið í húsinu og m.a. notaður við það eldfimur vökvi. Sá sem í gæsluvarðhaldi situr hefur nú viðurkennt að hafa brotist inn í húsið og stolið þaðan eigum íbúa þess. Hluti þýfisins fannst á heimili konunnar og í fórum hennar sem og í fórum mannsins, sem enn sætir gæsluvarðhaldi.

Lögreglan fékk tilkynningu um það aðfaranótt sl. laugardags, að eldur hafi verið í parhúsi í Þorlákshöfn. Íbúðin var mannlaus en húsráðandi var á sjó. Reykskemmdir urðu hinni íbúð parhússins, en þar býr kona ásamt tveimur börnum sínum. Þau komust klakklaust út.

Síðar sama hringdi óþekktur maðuri í þjónustuver Landsbanka Íslands og kynnt sig sem húsráðandann. Bað hann um að fé yrði flutt milli reikninga yfir á greiðslukort sitt, vegna þess að brunnið hefði ofan af honum um nóttina og heimild á greiðslukorti sínu væri fullnýtt. Þjónustufulltrúi framkvæmdi millifærsluna þó viðkomandi hefði ekki leyniorð á reikninginn.

Grunsemdir vöknuðu hjá bankanum þegar hinn rétti húseigandii hringdi skömmu síðar og óskaði fyrirgreiðslu vegna eldsvoða sem hann hefði lent í þá sömu nótt. Þetta leiddi til þess að síðar um daginn var karlmaður handtekinn í þegar hann hugðist nota kortanúmer greiðslukorts frá húsráðandanum til dekkjakaupa.

Í bíl, sem karlmaðurinn hafði til umráða, fundust 2 hnífar, ætlað amfetamín, grammavog og ætlaðir skuldalistar vegna fíkniefnakaupa. Þá fannst greiðslukort húsráðandans í vasa hans.

Maðurinn sagðist hafa verið staddur í húsi umrædda nótt ásamt unnustu sinni, sem síðan var handtekin og úrskurðuð í gæsluvarðhald. Þeim hefði sinnast um nóttina og maðurinn í framhaldi af því farið í gönguferð og þar komið að ólæstri fólksbifreið framan við blokk og tekið þaðan veski með kredit- og greiðslukorti.

Fram kemur að gerð hafi verið húsleit á heimili fólksins og þar fannst kvikmyndatökuvél, merkt húseigandanum í Þorlákshöfn og einnig utanáliggjandi drif. Þá fannst tómt veski í ruslatunnu í eldhúsi og bar Þorlákshafnarbúin kennsl á þessa muni. Einnig fannst bensínbrúsi í forstofu.

Lögreglan sagði að rannsókn málsins væri flókin og hætta væri á að konan gæti spillt rannsókninni með því að hafa samband við aðra eða samseka yrði hún látin laus. Konan neiti sakargiftum en rannsóknargögn veki sterkan grun um aðild hennar að brotum.

 

Athugasemdir

[www.zordis.com, 26.1.2007 kl. 14:40]

Heimur versnandi fer! Þetta er nú ljóta málið og ömurlegt að vera fórnarlamb í svona svikum.  vona að maðurinn endurheimti sitt sem fyrst!

[Ólafur fannberg, 26.1.2007 kl. 22:41]

islenskt réttarkerfi......

[Sigrún Friðriksdóttir, 29.1.2007 kl. 22:23]

Ótrúlegt ættli þetta eigi að flokkast undir jafnrétti

Þvílík skömm.

Kveðja Sigrún